Madax Weynihii Hore Ee Dalka Muritani Wallad Cabdalla oo Noqday Imaam Masjid Iyadoo Ah Markii Ugu Horeysay Caalamka Ee Madax Weyne Xukun Ka Degey uu Noqdo Imaam Masjid

MURITANIA(BCT)- Madax weynihii hore ee dalka Muritania Sayid Wallad Sheekh Cabdalle ayaa noqday Imaam masjid kadib markii laga qaaday xukunka dalkaa Muritania, Wallad Sheekh Cabdalla oo xukunka lagaga qaday Inqilaab mileteri ayaa Masaajid ku yaalla Magaaladii uu ku dhashay ka noqday Imaam Salaada Tujiya dadka,

Madax weyne Wallad Sheekh Cabdalla ayaa ahaa madax weynihii ugu horeeyey ee Dalka Muritania lagu soo doortay nidaam Dimoqraadi ah oo isagu xukunka ku yimi doorashada Shacabka, Laakiin Waxaa xukunka ka tuuray Ciidamada Mileteriga dalkaa bishii Sideedaad Ee sanadkii 2008,

Madax weyne Wallad Sheekh Cabdalla ayaa markii laga qa aday xukunkaa ka fadhiistay Siyaasada isla markaana noqday Imaam Masjid iyadoo madax weynahaa oo ahaa nin diinta ku dhow dhow ay u doorteen Iimaam nimadaa shuyuukhda magaalada uu ku dhashay oo ku taalla koonfurta dalka Muritania,

Madax weyne Wallad ayaa isagu hayay xukunka dalka Muritania 14 Bilood iyadoo markii uu ku hellay madax weyne nimada doorashada shacabka dalkaa ay xilligaa taageersanaayeen ciidamada dalkasi, Laakiin markii danbe ay isku soo Rogeen iyagoo xukunkii kaga qaaday Inqilab Milateri,

Madax weyne Wallad Sheekh Cabdalla ayaa warkani sheegay inuu yahay madax weynihii ugu horeeyey ee Caalamka noqda Imaam masjid kadib markuu ka degey xukunkii dalka,

 Dalka Muritania ayaa isaguna ah dalka Aduunka ugu Inqilaabka badan iyadoo madax weynaha ugu badan uu jagadaa haysto sanad ama laba sanadood intaa kadibna sidii caadada u ahayd ay ciidamada iyo General-du ay xoog kulla wareegaan xukunka da lkaa, Beesha Caalamka ayaan iyadu waxba kasoo qaadin Inqilabyada ka dhaca dalka Muritania kadib markii ay ka noqotay dalkaa wax caadi ah iyadoo ay dhacdayba in Beesha caalamku iyagoo ka qeylinaya mid kamida Inqilaabyadaa intii wada hadaladu socdeen ee laga dalbanayey Generalkii Inqilaabka sameeyey inuu xukunka ku soo celiyo madax weynihii hore isaga laftiisii lasii Inqilaabay, Waxaana dhacda in shan sanadood gudahood ay dalkaa ka dhacaan laba ilaa sadex Inqilaab, Iyadoo madax weynihii kaliya ee kusoo baxay nidaam dimiqraadiya uu ahaa Wallad Sheekh Cabdalla oo iminka noqday Imaam Masjid,