Maanso Qaadka: Abwaan Qalinle

Maansadan qaadka ku saabsan ee ka hadlaysa Dhibatada uu qaadka ku leeyahay bahweynta somaliyeed ee ku nool dunida oo dhan & sida uu dhaqalaheena u burburiyey geed cagaar aan wax faaido lahayn taas ayuu abwaankan da’da yar ee Abdiqaadir Abdirahman Maxamed(Qalinle) uu inoo sifeynayaa waxaa ereyadiisii ka mid ahaa

·         qaabadan aduunyada

·         qarnigeynu joogniyo

·         qaaradaynu ku nolnahay

·         qaad baa na haystee

·         bal maxaynu ka qabanaa

·         umadan qof walba

·         inyaroo qaliiloo

·         qushuuc haysa mooyee

·         qarni jooga odeygii

·         qaangaadhka wiilkuba

·         way qayilayaane

·         bal maxaynu ka qabanaa

·         qoyskiina odeygii

·         marka uu ka qayilee

·         inankii u soo qaad

·         islaantii qaxwaha kari

·         inantii qabowgiyo

·         biyihii u soo qabo

·         qasaaraha intaa leeg

·         qayb miyaanay ka ahayn?

·         saaxiib bal qiimee

·         oo qoroo ka yar fakar

·         dabadeed qoraaliyo

·         maanso iigu soo qaad

·         qalbigeygu wuxuu helay

·         su’aalo aan qafiifiyo

·         qunyar laga jawaabayn

·         ee aan qorsheynee

·         daaha ma ka qaadaa

·         qisada hore waxay tahay

·         horta qaadku waa maxay

·         muxuuse u qabtaa

·         kuwan qaadanayaa?

·         qisada kale waxay tahay

·         marka aad qaniintee

·         qac ilkaha ku siiso

·         miyaanad qadhaadhkiyo

·         qaaqdiisa garanayn

·         dareen uu ku qabanayn

·         bal maad dacarta qaadatid

·         iyadaan qarashiyo

·         qiimaba lahayune

·         qisada kale waxay tahay

·         sidee baynu u qabanaa

·         inta aanu quudiyo

·         quutal daruuri inoo noqon?

·         Qorshahaygu wuxuu yahay

·         Lama qaban karaayoo

·         Qaadkuba sidiisaba

·         Dadbuu quudiyaayoo

·         Qadadood ka hela ’ee

·         Xageebaynu qabadsiin?

·         Alaylehe qiyaastii

·         Waxaa loogu qaatey

·         Iyadoo nin qaraniyo

·         Madaxweyne qaaliya

·         Dalka uu qabsado oo

·         Kuwa qaadka gadaya

·         Shaqo ay qabtaaniyo

·         Qarash badan la siiyoo

·         Halkaa ay quraankiyo

·         Qaadirkaba ku mahadshaan

·         Kii quudanaayeyna

·         Marka uu qaadkii waayo

·         Cidna quudhsan maayee

·         Wuu iska qancaaya

Tiriyaha maansadan
Abdiqaadir qalinle
Burco-Somaliland
abdiqaadir252@hotmail.com
telphone:0025224036110
for more information please visit this website
http://users5.nofeehost.com/aamiinhc/www.ccm.9f.com