Booliska Sucuudiga oo Qab-Qabtay 60 Kun oo Qof oo Ka Dawarsanayey Waddooyinka Dalkaa Iyadoo Dadkaa 33% Ay Yihiin Dad Sucuudiyiin Ah oo u Dhashay Dalkaa

RIYAAD(BCT)- Xukuumada dalka Sucuudiga ayaa sheegtay inay qab aqbteen 60 Kun oo qof oo ka dawarsanayey waddooyinka dalka Sucuudiga, Dadkaa dawarsanayey ayaa xukuumadu sheegtay in sadex meeloodow meel ay yihiin dad u dhashay dalka Sucuudiga oo iyagu ka dawarsada dalka Sucuudiga oo ah mid kamida dalalka ugu Shidaalka badan aduunka,



Booliska Magaalada Riyaad ee caasimada ayaa dalka Sucuudiga ayaa sheegay inay bilaabeen Ololle lagu ugaadhsanayo dadka ka dawarsada waddooyinka dalka Sucuudiga, Booliska ayaa sheegay in dadka ajnabiga ah ee la qabtay ay gadhayaan 67% halka dadkaa la qabtay ay ka yihiin dadka u dhashay dalka Sucuudigu 33%,


Jariirada Riyaad ayaa sheegtay in dadkaa la qab qabtay 59% ay yihiin Rag halka 25% ay ka yihiin dumar, Arintan ayaa timi kadib markii ay aad ugu soo bateen dadka dadka dawarsanaya waddooyinka magaalooyinka dalka Sucuudiga, Booliska dalka Sucuudiga ayaa sheegay in dadka u dhashay dalka Sucuudiga ee dawarsada lagu wareejin doono hay,ada qaabilsan dadkaa iyadoo la eegi doono xaaladooda nololeed & waxa ku kalifay dawarsiga, Booliska ayaa inta ku daray in dadka iyagu ajnabiga ah ee lagu qabtay iyagoo dawarsanya in la geyn doono jeelasha isla markana laga musaafirin doono dalka Sucuudiga,