OOG: Kooxda SSC Ee Aaga Buuhoodle Oo Weerar ku soo Qaaday Ciidan Somaliland Ah Oo Ku Sugan Magaalada Oog + Dhimasho Iyo Dhaawac-na Gaystay

Oog (burcotoday)- Kooxda nabadiidka ah ee deegaanka Buuhoodle ee SSC, ayaa weerar lama filaan ah oo ay xalay ku soo qaadeen bar Kaantarool oo ku taala magaaladda Oog, ilsa markaana waxa ay halkaas dil toogasho ugu gaysteen hal askari oo ka tirsan ciidanka qaranka eek u sigan Kaantaroolka Oog.

Waxa kale oo halkaas dhaawac loogu gaystay hal askari, iyada oo ay sida oo kale ay askari kale iyo qof kale oo shicib ah-na ay afduub u gaysteen, oo aan war laga hayn meel ay la aadeen.

Weerarkan ay soo qaaday Kooxda nabadiidka ah ee SSC, oo ahaa mid ay si laana oo gaadmo ah ugu soo galeen Oogmaa,  ayaa ka dambeeyey ka dib markii ay Si gaadno ah iyaga oo ka soo galay dhinaca wadada ka timaada Yeyle taas oo keentay in askartii ilaalinta amaanka ee ku sugnaa bar kaantarol oo lagu eego ama lagu baadho gawaadhida isaga gooshta  degaankaasi kuna yaala dhinaca wadada u baxda Laascaadoon , kadib markii ay soo gaadheen Kooxdaasi bartaa kontrol ayey rasaas ku fureen ciidamadii ku sugnaa goobtaasi taas oo sababtay dhimashada iyo dhaawaca iyo waliba labadan nin ee ay qafaasheen,

Sida wararku sheegaya Taliska ciidanka oo ka baxsan magaalada ayaa markii ay ogaadeen shilkan gaadmada ah ayaa ay ka daba ruqaansadeen kooxdii soo weerartay bartan kantoolk ee ku taalay magaalada dhinaceeda  taas oo la sheegay in kooxda oo wadatay laba baabuur oo uu mid ku dhacay inta u dhaxaysa Oog iyo Yeylehalkaas  oo ay ku qaadeen dhaawac iyo khasare wixii naf ka soo gaadhay .

Sidoo kale Ciidmada Qaranka ee ku sugan Jiida hore ayaa la sheegay in ay xidheen dhamaan jiida ay ku sii jeedeen kooxdaas  taas oo la sheegay in ay ciidamda qaranku geeso badan kaga soo baxeen sida Widhwidh , Laascaanood, Qorilugud,  taas oo la filayo in dhawaan war cusubi inaga soo gaadhi doona iyo iyaga oo soo qab qabtay kooxdii falkan geesatay.

Geesta kale Wararka  ayaa sheegaya in weerarkan ay uga dan lahaayeen in ay ku furtaan maxaabiis hore looga qabsaday ciidamadadooda dagaal hore uga dhacay magaalada Widhwidh.