GUdoomiye Ku Xigeenkii 1-aad ee Golaha Wakiiladda Cabdicasis Samaale Oo Iscasilaadiisii xubinimo iyo xigeenkii Wakiiladda U gudbiyey Guddoomiyaha Golaha Wakiiladda

Guddoomiye Ku Xigeenkii 1-aad ee Golaha Wakiiladda Cabdicasis Samaale Oo Iscasilaadiisii xubinimo iyo xigeenkii Wakiiladda U gudbiyey Guddoomiyaha Golaha Wakiiladda

Posted by halbeeg1 on Mar 14th, 2012 and filed under featured, today's top stories. You can follow any responses to this entry through the RSS 2.0. You can leave a response or trackback to this entry

Hargeysa (Halbeegnews)– Guddoomiye ku xigeenka 1-aad ee golaha Wakiiladda imikana loo magacaabay xilka Wasaaradda maaliyadda Somaliland Cabdicasiis Maxamed Samaale ayaa isla maantaba wuxuu u gudbiyey golaha Wakiiladda istaqlaaladda shaqo ka tagistiisa si uu ugu madax banaanado qabashada xilka wasaaradda Maaliyadda.

Mudane Samaale ayaa qoraalka istiqlaaladda uu u gudbiyey golaha Wakiiladda Somaliland wuxuu ku yidhi sidani:

“Anigoo ah Md Cabdicasiis Maxamed Samaale waxaan halkani ku caddaynaya in maanta oo arbaca ah taariikhduna tahay 14.03.2012 iska casilay xilkii Guddoomiye ku xigeenka 1-aad ee golaha Wakiiladda Jamhuuriyadda Somaliland iyo xubinimadii golahaba.

Waxaan si weyn uga mahad-naqaya shir-guddoonka iyo dhammaan mudanayaasha golaha Wakiiladda JSL oo aan muddo dheer soo wada shaqaynay.

Waxaan Golaha ka rajaynayaa inay aqbali doonaan iscasilaadayda

Alla Mahad Leh

Md. Cabdicasiis Maxamed Samaale”

qoraalka istiqlaaladda Guddoomiye ku xigeenka 1-aad ee Wakiiladda Samaale ayaa ka danbeeyey ka dib markii uu maanta loo magacaabay xilka wasiirka maaliyadda, xilkaasi oo laga qaaday Eng. Maxamed Xaashi Cilmi oo dadweynaha reer Somaliland ay afka iyo gacanta saareen markay maqleen xilka Xaashi laga qaaday.

Halbeegnews, Hargeysa

halbeegnet@gmail.com

This post has been viewed 64 times.